جديد عبد الله ابن شايق ومرزوق المقاطي 18/7/1431هـ

نايف الفهري · 02-07-10, 08:44 PM

بسم الله الرحمن الرحيم

السلام عليكم
مقطع من حفلة ابن شايق مع مرزوق المقاطي في قصر الجلسان

عبدالله بن شايق

قولو بسم الله خير البدايه يا نبيه=ثم قول الحمد لله رب العالمين
اهدنا السراط سراط من انعم عليه=غير المغضوبي عليهم ولا الضالين امين

مرزوق المقاطي

ابد بسم الله والمصطفى صلو عليه=اسمعو يامن حضر واشهود يا مسلمين
والله اني محتسي بالريال وبالجنيه=وان دفعت اريال ذليل نعطيك اريالين

عبد الله بن شايق

لو يمين الرجل ياكل بها مما يليه=كان ماخذتو واخذنا حقوق الأخرين
الضروف احيان(ن) اتخلي العاقل سفيه=وانته الي تدفع الوحده والأثنتين

مرزوق المقاطي

احسبنك تنطق الحق واثرك ما تبيه=تاكل الي تاجده بالشمال او باليمين
سيفي الي لجلكم فالشدايد محتسيه=يقطع لأرقاب والموت في حبل الوتين

عبدالله بن شايق

ما تمشيها علي هيه يا هيه ابن هيه=ابك هاذي خلها لصغير والجنين
سيفك الي في يدينك تشده وتحنيه=انكسر في يدك واصبح بيدك كسرتين

مرزوق المقاطي

ابن شايق لو لقى الحر يمكن يشتويه=يحسب(ن) الرين ما غيرها في نجد رين
انت رجال(ن) تصوغ الذهب وانا اشتريه=والله اني فاطن(ن) لك عسى راسك فطين

عبد الله بن شايق

ابن شايق يرقب الحر باقي يحتريه=روح للي مانظر فيك غير بنص عين
احترمك اولا حسبك من مشاريع الفقيه=انت من روس العرب ياعشير الغانمين

مرزوق المقاطي

والله انا قسمنا بين بيضان الوجيه=مثل قسم الذيب بين التفه وابالحصين
احترمك اولا دريت ان عقلك ترلاليه=لين شفتك رحت ليسار واتعود يمين

ولد الحمالي · 04-07-10, 06:26 AM

تاكل اللي تاجده بالشمال واليمين ماتمشى على ابن شايق
ويعطيك العافيه ياابو نايف و يليت تنزل محاورة مشخص مع العازمي
موال روعه[/color]

أبو صقر · 08-07-10, 03:28 AM

يعطيك العافيه على النقل الطيب

عثمان الدكيني · 12-07-10, 02:15 PM

لاهنتتتتتتتتتتتتتتتتتتتتتتتتتت

أبو راكان · 12-07-10, 02:37 PM

بيض الله وجهك يانايف الفهري

عابر سبيل · 21-07-10, 01:14 AM

للأسف أن هذا مستوى ابن شايق

والله ان المقاطي افضحه

ياليت ابن شايق غائب ولا رجع بهذا المستوى

اهدنا السراط سراط من انعم عليه=غير المغضوبي عليهم ولا الضالين امين

والبيت هذا فتح على ابن شايق باب هو في غنا عنه

واصبح الجميع من اعداء ابن شايق سابقن يملكون سلاح ضده وبداءت التصريحات فالاعلام

ابن شايق يضيف ايات القران الكريم فالشعر

الى متى وهذا مستوانا في شعر المحاوره

ياليت بعض شعرانا يعتزل المحاوره

اخوكم

قحطاني مقهورررررررررررر

ولد الحمالي · 31-08-10, 03:53 AM

اخوي عابر سبيل صح ان بن شايق اخطأ في غناء البيت
لاكن لم يحرف فيه كما توقع البعض
وامانسبت المقاطي فضح ابن شايق اقول غلطان
والمقاطي متخوف وغنائه ذاك الليل ليس كالعاده
وابن شايق شاعر كبير ومن النادر من يلعب مثل لعبه فالاسلوب
وان حضر ابن شايق زادنا فرح وسرور وان غاب عذره معه
وروسنا مرفوعه في كل الميادين في الشعر وغيره