الشمس غابت

محمد بن قريش · 07-07-10, 03:36 PM

اعتبر هذه القصيده اول مصافحه ادبيه لي معكم

اقدم هذه القصيده بين ايديكم بالرغم اني ضيف جديد عليكم

وخاطرت بدون ان اتواصل مع احد المراقبين لتثبيتها

ولكني اثق بالقائمين على المنتدى انهم منصفين للشعر الحقيقي

الشمس غابت

الشمس غابت فالـشفـق دمـها يـسـيـل =يوم " من العمــر انقضى مع طعونــــه

حزن وقهر واهات عـاشق وتـنـكـيــل = لا اقـبـل ظـــلام اللــيـل مـرخي متـونـــه

غاسل كفوفي من رياء النـاس تغسيـل =من زيف (حييـتـوا) (هـلا) (والـمـعـونـه)

الـمـجـتـمـع كـلـه مـجـامـــل وتـمـثـيـل = مـن قـام حـظـــه قـامـوا يـصـادقـونـــه

ومن طاح حظــه ما لقى يمــنى ٍ تشــيل = حـتـى عــيـالـه والـمـره يـكــرهـونـــه

كل ٍ ولـه نـظـــره وعـيـنـــه بـدربـيــــل = ومن نظــرتي للـوقت عـنـدي نـمـونــه

ماضر سفـن النفــــط تـحـمـيـل بـرمـيـل = وسفن الصحـاري بروك ما يـنـقـلـونـه

عصــر ٍ مضى تحـــتـاج الايام حلحـــيل = واليوم يبـغـى الـوقـت حـلـم ومـرونـــه

وياوجد حالي كــــل ما عسـعــس اللـيـل = يـلـوح نـجــم الـجـدي والـمــوت دونـه

شاعـر ودمـعـي مـايــجــفــفــه مــنــديــل = هــب الشمالـــيــه خــذاني شـجــــونـه

راعي الهوى يصبح ويمسي على الويــل = يا لــيــن يســـأل صاحبه ويـش لــونـه

ام الـعـيـون الـحـور مـنـعــــورة الــجـيـل = الراس صـلــــــب مـا تــبـّقـى ليونـــــه

ياخـذ من الخــيل أوجه ويعــطي الخــيــل = ركـــــزت فرس والذيــل يشـبه قرونـه

موجــز عن اوصافــه ولا هوب تفـــصـيل = خوفـي من الـعـــذال لايـعـــــرفـونــــه

دار " نزل فــيـــها الغضي جعلها الـسـيل = واحفظـــه يا ربـي ودومـــه وصونـه

دام ان مشــــوار الف مـــيل " بدى بمـيـل = المـــــوت عـز ولا حيـاة المهـــــــونه

ان كان عشـــت معاهـــده لا اوفـي الكـيـل = وأكحـّـل عــيــونـي بشوفـــة عيـونـــه

كلمات والــقاء اخوكم / محمد ناصر ابن قريش . اداء /عبدالرحمن الهاجري

على هذا الرابط

http://file9.9q9q.net/Download/77918...---...mp3.html

وسلامتكم

محمد الحشاش · 07-07-10, 05:29 PM

صح لسانك ,,,
تقبل مروري,,

أبو حسين · 07-07-10, 06:10 PM

ارحب وصح السانك على القصيد الجزل اللي مايجي الا من جزل شرواك

محمد العايذي · 08-07-10, 02:38 PM

صح لسانك يابو ناصر

وبيض لله وجهك على هالمصافحه الاولى والجميله

تقبل مروري
ودام ابداعك

أبو معتز · 08-07-10, 03:59 PM

ارحب يا فهري وصح لسانك وبيض الله وجهك على الجزله من الشاعر الجزله وننتظرك من بعد المصافحه الاولى
القصائد الثانيه بارك الله فيك , تقبل مروري

علي بن مسفر العدوي · 08-07-10, 07:00 PM

صح لسانكـ اخوي محمد ,, ابداااع في ابداااع
بيض الله وجهك على الجزله وننتظر جديدكـ
تقبل مرروي واعجابي بمصافحتكـ الاولى

محمد بن قريش · 09-07-10, 04:36 AM

اقتباس:

المشاركة الأصلية كتبت بواسطة محمد الحشاش

صح لسانك ,,,
تقبل مروري,,

يا مرحبا بك وشاكر لك مرورك

محمد بن قريش · 09-07-10, 04:47 AM

اقتباس:

المشاركة الأصلية كتبت بواسطة سعد بن حصوصه

ارحب وصح السانك على القصيد الجزل اللي مايجي الا من جزل شرواك

البقاء يا المرحب

وصح الله بدنك

محمد بن قريش · 09-07-10, 04:49 AM

اقتباس:

المشاركة الأصلية كتبت بواسطة محمد العايذي

صح لسانك يابو ناصر

وبيض لله وجهك على هالمصافحه الاولى والجميله

تقبل مروري

ودام ابداعك

صح بدنك يا ابو عبدالله

ووجهك ابيض

محمد بن قريش · 09-07-10, 04:52 AM

اقتباس:

المشاركة الأصلية كتبت بواسطة أبو معتز

ارحب يا فهري وصح لسانك وبيض الله وجهك على الجزله من الشاعر الجزله وننتظرك من بعد المصافحه الاولى
القصائد الثانيه بارك الله فيك , تقبل مروري

البقاء يا فهري ,,, ووجهك ابيض

الشمس غابت

مجـلــــــس الشـــــــــــــــــعـر الشـــــــــــــــــــعبـي