من محاوراتي

أحمد بن شريم · 08-08-10, 06:38 PM

هذه المحاوره بيني وبين الشاعر سرويد في منتدى القلطه والقصيد
اتمنى ان تحوز على رضاكم

سرويد

سلام والشعـار تجـار بالمعنـى وبالفـود=وشاهبندر التجار معروف من جودة عباتـه

ودي بتاجر يفرق السوم بين النقص والزود=يحسب حساب الحول من قبل لايخرج زكاته

ولد روح

اهلا هلا يامرحبا هيل بـك ياراعـي الجـود=والسوق يارجـال مابانـت النـا موشراتـه

عطنا علومك وابشر ان الجمايل حبل ممـدود=راعي الجمل خلف جمله والقريوي خلف شاته

سرويد

يامرحبا باللي تسرع نسى ان الصبر محمود=يشري ولايدري عن الخام طيبه من رداتـه

ماكل من يدخل على السوق يلقى ربح مردود=كم واحدن قبلك دخل سوقنا نشفـت لهاتـه

ولد روح

ترى الركاده طبعنا ون بغيتو عندي شهود=وحاضر بحاضر سوقنا يارجل هذي طراته

لما دخلت السوق ماعندي الا كاش معدود=يوم ان بعض الناس يكثر بلفه والتفاتـه

سرويد

السوق للتجار ولا انت دخلك دخل محـدود=مثلك نخاف ان الخساره تسبب في وفاتـه

مير انت شد الحيل والحيل من باديه مهدود=واعزتي للي عجز يشتري ثوب لبناتـه !!

ولد روح

عالهون يارجال ذليل والملحـوق مطـرود=والعين كنها تشوف سرويد علق بسلباتـه

مدري تدل الدرب والا طريق الدرب مسدود=والزرع لما سقي يازينه ومحسـن نباتـه

سرويد

الهون ماعرفه وذا الليل بين سهود ومهود=من نام ماني بنتظر لين يصحى من سباتـه

موجود قدمي مير اشوفك معي منته بموجود=امشتت الافكار كيف اننـا نجمـع شتاتـه

ولد روح

اليا فتلت الحبل من صوبنا ياجيك معقود=لكن حبلك رث طاح الدلـو ويارشاتـه

وبختامها يالجودي باذل ٍ لك كل مجهود=والعود لاناصحك ياصاحبي فحفظ وصاته

سرويد

شفت العجوز اللي تقود الغنم بشعيبها قود=انته بوسط شعيبها امن الغنم ولا رعاتـه

اشوف وسط جمالنا ناقتن ماهي من الذود=اللي يفلي ناقتـه وحدهـا ماعـاد جاتـه

ولد روح

اشوف لي بنت نحيلة خصر وصغيرة انهود=تبغى تفارس ذيبنا اللي طمر يبغى عشاتـه

اللي يدور عالفساله ترى يغشـاه منقـود=واللي يصلي العصر قبل الظهر تبطل صلاته

سرويد

نحيل خصر البنـت لكنهـا شديـدة العـوود=لو لان لك عود البنيـه فـلا تامـن قساتـه

اشوف خيط الثوب من فوق نهد البنت مسرود=ذيب الخلا ماهمه الا ستـر عـورت خواتـه

ولد روح

ياصاحبي خلك طبيعي بلا ناشد ومنشود=خل العراقي في محله ويهنا فـي فراتـه

ياعزتي للي يصايح مثل ساعد ومسعود=الوجه واضح لكن الخلف بانت لي عراته

سرويد

اللعب فتل ونقض ياصاحبي قاصد ومقصود=واعزتي للي يضيع طريق اربـع جهاتـه

وبختامها لاجاد مثلك على اللي معه موجود=واللي رجا منك حشى ماتخيب له رجاتـه

-----------