قصيده سلطان الهاجرى جديد

مناحى العليي · 22-07-09, 01:40 AM

صوت المواطن ليا عبر عن شعوره

صرخت نداء ياولات امر المسلمينى

اما براء الجرح ولا مات دكتوره

الحل فى ايدينكم ماهب فى يدينى

مواطن لا نشدك احدن عن اموره

وش يعنى صفر مكعب بين قوسينى

بلادى اغناء بلد والشرع دستوره

وغلاه يجرى بدمى فى شراينى

احيان اسج القدم والحال مستوره

واحيان اسد الدين بالدينى

ناديت ما اوحيتنى يامجلس الشوره

والله ما ادرى متى عادك بتوحينى

واعضاك لو تعتذر ماهيب معذوره

تلفيق الاعذار يزعلينى ما يرضينى

ناس تجامل وهى ماهيب ماجبوره

حتى ابتساماتها ماغير روتينى

والشعر له دور والشاعر هذا دوره

اوضاع شعب الوطن لاشك تعنينى

ومسابقات الشعر ومتابع الكوره

اهم منها معنات الملاينى

رغم انى اشجع الازرق وجمهوره

هلالى بحت من اول وذلحينى

لكن مايطلع الرجال عن طوره

الا خطا يفطر كبود البعارينى

والى متى خطر الاجواد مكسوره

وانا كذا كسرت الخطر تبكينى

هذى رساله بعض شعبك يا اخو نوره

كلن يقول لك تكفا لا تخلينى

هذى اوضاعهم بالشكل والصوره

وانتا مضيف الفقارا والمساكينى