اهداء لمنتديات قبائل عبيدة

الشعر لـه نـاس تقولـه وتقـراه = و له ناس تطرب له وتفهـم معانيـه
والشعر في الاسلام لمواجـه اعـداه = في وجه من سب النبي مـا نخليـه
والشعر تاريخ(ن) قديم ومن أسمـاه = سموه ديوان العـرب عنـد راويـه
والشعر مـوروث للأجـداد واحمـاه = في وجيه رواده من اللي عبث فيـه
والشعر في الاوطان يا زيـن مبـداه = يثبـت افعـال وتواريـخ ماضيـه
والشعر لا جاء في الملوك وهل الجاه = يبيـن افعـال الشجـاع وعزاويـه
والشعر يسوي في المواقف سواياه = يعتق رقاب خضـر ويقـدر وجيـه
والشعر قوة حـق وخيـول واغـزاه = وفرسانه اللي ترفعـه مـا توطيـه
والشعر سيف ونتـف راس تقفـاه = أسرع من البارق وسبحـان واليـه
والشعر في مدح الرجاجيـل محـلاه = لا مدح رجـال بطيـب وهـو فيـه
والشعر لاهل الشعر وأهل المعانـاه = وأهل القلوب الخضر تطرب لطاريـه
والشعر في البل تنتشر ثورة اصـداه = يشعل حماس الناس ويشوش راعيه
وأكبر دليل العام في الحفـر شفنـاه = ذيدان عيال العـود خيـرة مناقيـه
والشعر أبوابه مـن طرقهـا تعـداه = لوم الرجال ان كـان عـلا مبانيـه
والشعر يابعده علـى اللـي تمنـاه = ويكرم عن اللي لا بغا الشعر يشريه
والشعر أقولـه وأسمعـه وأتنقـاه = وأختار من جزلـه وهزلـه أخليـه
الشعر أنـا بينـي وبينـه مخـاواه = مر(ن) يخاويني ومـر(ن) أخاويـه
وليـا طلبتـه فزعتـة مـد يمنـاه = في حزة(ن) أحتاج فيهـا مساعيـه
واللـي يقلـل قيمـتـي أتـحـداه = أن كاني مروي عطاشـى ضواميـه
في منتدى الرجال الكـرام المسمـاه = اللـي يحبـون القصيـد وطواريـه
لا لجلجو قرابـع الشعـر وأشبـاه = ناس يبون الشعـر وهـم حواليـه
أقف على عـده و اورد علـى مـاه = وأخشى واخاف من الجهل و المشاريه
واللي جهل بيني وبين اقرب اعداه = يروح عني لايجني ولا اجيه
اخير من قربه مفارق محياه = جعله ذلوف الطير لاغاب طاريه
لمته واللومه دام هذي وصاياه = والظاهر اني اللي بعود اوصيه
واقول له هين ترى بعض الافواه = تحكي لكن بعض الحكي ما التفت فيه
الشعر ما جاء بالحجج والمحامـاه = مواهـب الرحمـن والله معطـيـه
الشعر عطـران الشـوارب تقهـواه = هو كيف روس(ن) كيفها ما تخليـه
في مجلس(ن) صفر الدلال اتمثنـاه = مجلس رجال طيبهـم يقتـدى فيـه
مجلس وقار وعز واسلـوم وجبـاه = علامـة السجـود فيهـا مـواريـه
ماهوب وجه اللي تنقد سواياه = مايدري ان اللوم غاشيه غاشيه
لكن ما طول في الحكي واتقفاه = اخير من طول الحكي أختصر فيه
واقول له هين ترى بعض الافواه = تحكي لكن بعض الحكي ما نمشيه
واختامها هـذه القصيـده ومهـداه = لمنتدى ربعي قصيدي وأنـا اهديـه
لإدارتـه وأعضـاه واللـي تبـنـاه = تحيـة الفهـري تسابـق خطاويـه
والشعـر عرافـه تشوفـه وتقـراه = في عيون شعـاره وتفهـم معانيـه