جو القصيد

اعد ساعات الزمن والثواني = واسج في دنياي وأكسب معارف
وأخاف ربي في الخفا والبياني = من غير رب البيت ماني بخايف
ويهزني في الكون صوت الاذاني = ويسوقني طيبي لرؤوس المشارف
واحب ربعي حب خيره أخواني = أهل الحميه في كبار المواقف
واللي تقوى يحسبنه قواني = أقول له حدب السيوف الرهايف
ما تسلها يمنى الضعيف الجباني = والرفقة اللي ما عليها حسايف
انا اشهد انها رفقة اللي نساني = بدلتها بمرافقة كل نايف
وخسرت رفقة واحد(ن) لاجفاني = يوفون في حقي الرجال العوارف
شريت رفقة طيبين المجاني = بيضان الايدي والسير والصحايف
اللي لهم في موقف العز شاني = اقولها وان قلت ماني بهايف
انا لهم لاشان وجه الزماني = لابان موقف الاصدقاء والحلايف
وهم مصادر قوتي والضماني = اللي ما يلحقني كبار الحسايف
اي والله اعاني واعاني واعاني = واصد لو اني للانذال شايف
واختار في الصف الموسط مكاني = واركد اليا لجو اهوات الطرايف
وان قلت شعري مانزل لطماني = وانا وقيفان القصائد ولايف
اترك اركاك الشعر لأن السماني = مثل اسمها والا الضعاف الخفايف
تمر ماكنها تمر الاذاني = ويعوض فيها الطيب من السوالف
والشعر حبك وقوة في المعاني = سبك البيوت اللي ما فيها كلايف
بطاقة الشاعر لعبر المواني = الى فضاء الإبداع والجو كايف
جو القصيد يزين مع جو ثاني = جو المطر والغيم في احلى المصايف
يا ساعة عديت فيها الثواني = مرت ولكن كسبتني معارف

الشاعر القدير


أبو معتز


سكبت على أرواحنا بوح عذب

المشاركة الأصلية كتبت بواسطة علي بن سلمان آل مجرّي السلام عليكم ورحمة الله وبركاته اتشرف ان اكون اول من قرأ الابداع والجزاله بيض الله وجهك وصح السانك تقبل تحياتي

أرحب يابو معتز

صح ألسانك وبيض الله وجهك

وهذه القصيدة ماهي الا أحد روائعك الجزلة

التي لايكتبها الا الشاعر الجزل والرائع دائماً

وهو الشاعر / محمد الفهري

تقبل خالص تحياتي واحترامي