مساجلة بيني وبين الشاعر/ سعود الحربي

حــلالاه يـافــرقــا دوام العــمـل يـاسـعود = وســج القــدم في ديــرةٍ جــوها هـادي
مــادام الـلـيالي البيض ماتعرف من السـود = ويـش الفــايدة لو كان فيها القمر بادي
من الـعـمــر عقـدينٍ مضــت لي بليا فــود = ورجـلي مع ذا الـدرب سـردار مـردادي
لكـن لي ثـلاث شهور من دون نقص وزود = وكنـي سـجـينٍ حـط في رجـله أقـيـادي
أســاهـر نجـوم الـليـل والعـالـمـيـن أرقود = وألاحـي حمـام الورق بالصـوت وأنادي
ولاجــيــت بأسـلـى ذكـرتني هبوب النود = بــدارٍ هـواهــا غــايـة القلـب ومـرادي
وخوة رجالٍ مثـل شــرواك طيـب وجود = كنـوز المـعـرفة والوفاء أرموز الأمـجادي
رجـالٍ عـلـى الطـالات وقـت اللزوم أزنـود = يسـدون في المـاجوب لاما حدى الحادي
بــعــيــدٍ عـن الـمشـروه والعـيـب والمنقود = تجـبـرهـم أسـلـوم العـواريـف للقـادي
فجـوج الخـلا وخـوة كـريـمٍ عريب أجدود = ولا أمـقـابـل الـلي شـوفته علة أكبادي
عـلـى كـيـف بـالي دون شـرطٍ ودون أقيود = هـاذي غايتي ياصاحبي وثالث أعيادي
تحت راية التـوحـيـد ثـم رايـة ابـن سعود = أفـادي بروحي لخدمــة الدين وابلادي
وختام الكلام من أفضل الطيب مسك وعود = يسـوقـه نسـيـم الغـرب لاذعذع أبرادي

هلا يامساء الجاوي هلا يامســاء الكمبود = هلا يالبيوت اللي لفت توهــا جـدادي
هلا ياهلا بك يــــــــــامحمد بليا حدود = تصاوير بدعك تجبر القـــــاف ينقادي
تحده على القمه ويرقا معــــــاك سـنود = بساتين فكرك تنبت الورد والكــــادي
شـعور الملل ياصاحبي عـنـدنا موجـــود = لاكنه يخــــف أحيان وأحيان يزدادي
تصبرت بالعقدين كمّــل ثـلاث عقـــود = على المكتب أشـوالك من البـرج والنادي
فقت العنب عنقود ولابلا عنقـــــــــود = فدا.. لاتحسّب مــــاوقع منك فالوادي
توكل على اللي يكفل العــود والـمولود = كفلهم عظـيـم المـلك باللبس والــزادي
أَثر فترة التغيير ياصــاجـبـي وتعــــود = ليالي قليله يرجع الوضـع لك عــادي
مناخ الديـار الممطـرة غــايــة المنشــود = فياض البختري والنفل مالـها أعدادي
معك من يعزك بالرخاء والقساء معدود = يعد القصيد الجزل بأسلوب واركـادي
وليده وصيته باالكرم والعـطـاء محمود = على شـاص طبعه بالمشـــاوير هدادي
وكاله وبسمك تركبه مـــاعليه اقصود = على الجـمر عند الجيب دله وبرادي
أبد.. منته أبشاكي ألم حيلك المهدود = تغيب عن الأنذال حاقد وحســــادي

المشاركة الأصلية كتبت بواسطة عيد الغوازي صح لسانك يابو سيف وصح لسان سعود الحربي عز الله أني أطرب لمثل هالمساجلات بين الرجال النشاما في ذمتي وافين وافين وافين بيض الله وجهك يا محمد ولي أشرف اكون أول من رد على موضوعك