@@من طاول اطول منه ماهو بطايـل@@ بن شفلوت حصري

الي قدرت انـك تحايـل تحايـل=شغل خلايا الذاكـره وادرج الفـك
قدحاولـو قبلـك بشـت الوسايـل=يبغون فتح الباب والباب منصـك
دونه طويق وخلفه جبـال حايـل=ورجال وسيوفٍ تضك العرب ضك
على ظهور الجامحات الأصايـل=صفً عوج من طوله وصف مرتك
وأنا ادري انها لو تجيك الصمايـل=ارخيت فيها جنعه وقمـت تحتـك
من طاول اطول منه ماهو بطايـل=لوتكتك الشغله حشا ماتجـي تـك
بطنك ملوه أهل الجمايـل جمايـل=خلو هل المتكا يقولـون لـك تـك
قادوك بيدك في جميـع الوسايـل=ونهاية الموضـوع سكيتهـم سـك
مالك كلاماً فـي عيـال الحمايـل=كم شاربً ركوه تحت القـدم رك
وهروجك اللـي ماعليهـا دلايـل=خلها لبو تطريـز والا لبـو شـك
واذبح على فرقا المناقيـد حايـل=وان دار حول اموالك الباهظه زك
وخلك مع اللي يتبعـون العوايـل=مـره تلاحقهـا ومـره تـلاحـك
جدرن بنيته فوق راسـك تهايـل=يستاهل اللي مابناء الجـدر ببلـك
قلت الحقبقه وانت ويش انت قايـل=ماعنـدك الا خلـه يفـك وافـك
ترى الرياجيل المصايـب قلايـل=لاحك راس العود فالعود وانحـك
خذها على الحجان ياخوك مايـل=من شك في ناسً ثقه يلحقـه شـك