[[الغيمه الممطره والبرق لعـــــــــــاج ]]

الغيمه الممطره والبرق لعاج =يسقي ثرى الأرض ويزيد إنتعاشه
يريح النفس من الأهات وإزعاج =ويعالج جروح قلبي وإندهاشه
قلب(ن) عليه الموارد مثل هداج =لاشاف نور(ن) ولا عانق فراشه
في مظلم الليل يسبح وسط الأمواج =متحير(ن) بين طيشه وإنكماشه
طموحه أكبر من الأمال وأبراج =وبالماينس ماتحقق له وناشه
له في جبين المراجل نور وسراج =يشهد له الجود ماناشه وحاشه
حر (ن) مخاليبه من الطيب ثجاج =طبيعه وتربيه من صدق جاشه
ولنا مع طيبين الحظ منهاج =منهاجنا الصدق والإيمان شاشه
ياكبر الأحلام مير الوقت منعاج =على قليب الروى ماتت عطاشه
يالله يافارج وبيديك الأفراج =تفرج لعبدك بعد شاف إبتلاشه

المشاركة الأصلية كتبت بواسطة سعيد المحاميد صح لسان قايلها ,,,, وسلمت يد ناقلها ,,,,

المشاركة الأصلية كتبت بواسطة نايف بن جليد الأستاذ القدير أبا فيصل أنت بالفعل شاعر عذب ورائع شاعريه لا غبار عليها .. وعذوبة واضحه ولو سمحت سجّل إسمي عندك بصفتي متابع وأنا هنا أسجّل إعجابي بأمانة وصدق.. وإلى مزيد من التقدم والتوفيق.. دمت بخير

المشاركة الأصلية كتبت بواسطة فارس الهيجاء ياكبر الأحلام مير الوقت منعـاج على قليب الروى ماتت عطاشـه قمة الابداع والله العظيم من صميم القلب جاء الابداع فشكرا لك على هذه الكلمات التى لامست شغاف القلب هنيئا لك القلم المطواع بين أناملك ماشاء الله تبارك الله