قصة الــــ 500 ريال

السلام عليكم ورحمة الله وبركاته
طبعا زي ما تعودنا بالبدايه لازم السلام >> صوح يا قماعه ولا موش صوح >> كيف يا جماعه باللهي اش رايكم باللغه المصريه هع ـآ

.. وش حالكم يالربع ..

واللهـ وانا اخوكم تعرفون يعني حنا الحين خلصنا الاختبارات ونبي نفرفش شوي نفرغ

الشحنات الاختباريهـ >> حاس فيكم باللهي ماني اخلاق هع ـآ

الوكاد اني هنا جايب لكم موقف حصل معي وهو موقف

محرج من المواقف اللي مريت فيها ,,

الموهيـم >> ياحبي لذي الكلمه

يا طويلين العمر ..

في ذاك اليوم صنفت في راس الشايب انا نروح للشاليهات بالويك اند ..!

>> واللهـ الشايب بتاعي حركتات حق اكشن هع ـآ

المهم حنا ما صدقنا خبر وقلنا قدآآم دامها في خاطرك يا يبه



وصلنا ولله الحمد والله لا يوريكم ولا ان امة محمد هناك يووووووووه زحمه على كيف كيفكم

المهم تدرون طبعا في كل شاب خصلة هياط هع ـآ


يعني اي مكان فيه بنات لازم يبرز نفسه

وهنا جا دوري يوم قلت لازم ازعط وأهايط شوي عندهم

فكرت امممممممم.. ولقيتها والله يا نصوري

جي تي سكي >> استعرض يالذيب عند ذا العالم وورهم من تكون

النظام اللي هناك لازم 500 ريال تامين

وانا ما معي الا 200

واقرب صرافه برا الهاف مون بكبرهـ

المهم توجهت للشايب الله يحفظه ويخليه قلت له يبه يبه يااا يبااااااااهـ ابي كيت وكيت

ثم(ن) قالي قم انقلع مناك وتلاها ضربت قفا قويه ما عاد الا هي واللهـ تبطي عظم وما عطيتك يالمروح

على ذا الخرابيط >> تعرفون الشياب الله يهديهم ما يحتاج
<< وين حق الاكشن والفله يالنصاب هع ـآ

المهم قلت ما في الا ميمتي حبيبة البي >> توها حبيبة البك وهي قبل شوي تبيك تروح

الماركت تجيب جرايد وانت تقولها يمه وش بلاك حنا هنا نفرفش مو نتابع اخبار ذا العالم

المهم تعرفون قلب الام ما يدعيها تخلي ولدها يطلع وهو زعلان >> نقطة ضعف البنات هع ـآ

فكت لي البتاع وطلعت لي ال 500 كفو والله يالكاش

المسكينه ما امداها تقول انتبه لنفسك الا ما تشوووف الا غبار رجولي

والله واروح يالربع واطق لي ذاك الجنز والفانيله الكت


والطع من ذا الجل بشعري وكريم واقي الشمس >> هع طلعت الفضايح

المهم الساعه كانت حزتها حوالي 3 عصرا

وبدون مقدمات طرقت باب ا لهندي >> للي ما يدري هع ـآ

وطلع بذاك الفوطه والكشه وريحة الاندومي والسمك المروح

وقالي ايش ابقى >> ايش ابقى واتله من فنيلته واقول له انا ابستاجراخلص علي

قال نزام ممنوع لازم الساعه 4 هادا نيزام >> لحوول وش يصبرني ساعه كامله


المهم ما عاد الا هي وش اسوي والله وانشب له اللساعه4 عند بابه >> والله بداوهـ صدق

جات الساعه 4 ولا طلع الخايس ادق الباب ما رد

ولد حول يمين يسار من هنا وهناك المهم وانواع التفجيييير عند بابه >> هع نصوري خويكم عصب

المهم طلع لي العيون حمر بس من جد هالمره كشه

قال لي انا في روه البس وغسيل >> خير ابصور معك انا قم وقع العقد بس قم وبعدين

تمكيج ان شا الله بس خلصنا



المهم والله انا بس عطيته الفلوس بدون سترة نجاه ولا هم يحزنون طوالي عالجي تي

>> والله في ذاك الوقت اول مره اسوقه


شغله لي وقام يعطيني الاوامر >> قسم لواني ابسوق صاروخ ما سوى كذا


والله ماني حوله هو شغل الدباب بس >> واحلى غسيل له يالربع >> هواللي قال انا ابي غسيل انا مالي ذنب

المهم حركت من عنده انا و اصبعي على طرف الريشه حقت البنزين ووجهي قالب احمر>> وين اللي بيستعرض والخرابيط ذي

الوكاد واشوف لي شلة بنات جالسين عالبيتش قلت هلا هلا والله لا اسوي لهم احلى غسيييييل

الموهيم جيتهم منا ولا يدرون عني بسوي فيها بتندس عنهم ويوم
انا قربت من عندهن الا واسمع عن عععاان ععاااان التفت يميني الا ذاك اللي جايني يمشي طبلونه


المهم ويطشر علي >> عشان اكون صريح سبحني والله

وراح الجل واخترب الشعر والبنات اصوات ضحكاتهن صلقعه باذاني

والله و... ابن فـــــلان >> عزوة قبيلتي منا وفينا >> والله ما حولك احد

قلت والله ما يروح بها

ولاول مره ادوس البانزين كامل يوم قام يطامر صح>> تهيضت من جد عالصوت كل ما ضربت بمطب قصدي موجه

المهم يوم قربت منه واهوزها يمين والثانيه يسار >> بينطل الاخ

الا ما وعيت الا بوووووووووووم طشششششششششش

والله يالربع ما دريت الا وانا متشقلب وطايحن في ذا >> تمنيت ساعتها الارض تنشق وتبلعني >> ليتك يا يمه ما عطيتيني ذا ال 500

يوم من جد البنات قام يضحكون كااااااااكاككاككاكككا >> مو بس هم كل ابو اللي في البيتش والله

>> والله اني افكر ساعتها اقول اطلع والا اجلس بس على اني مت واتجنب الفشيله وقطعت الوجه اللي ما لها داعي


قلت لا انا نصوري يا حبيبي والله واقوم واطلع ويا ليتني ما طلعت كل بنت

>> بما فيهم اختي رافعين الجوال يصورون >> عسى بس ما فيه وحده هنا منهم والله انك بتروح خرطي يا نصوري

المشكله بس مو كذا المشكله >> من التكنولوجيا المتطوره لا جيت تسوق الدباب

يحطون لك زي السلك تربطه على يدك عشان لا طحت يطفي الدباب

وهنا اللي توهقت والله الدباب طفي ابيه يشتغل بس عيا لا يشتغل وهنا

سودت الدنيا بوجهي !.

>> الا اسمع ععان عان عععااااان استانست احسبه الهندي جاي ينقذني

يالربع هاذا اللي سبحني اول مره والله انه ناصيني طاااير لا ويبتسم بعد

>> قلت خلني ابتسم له يمكن يشفق علي ويساعدني

>>اي يساعدك اللي يرحم والديك الا طشششششش عاان عععااانن طششششش (رطعني )

وعز التصوييير قامت الفلاشات يا عيال تضرب في عيوني>> قسم لو انهم شايفين مخلوق فضائي ما صوروا كذا


المهم وبعد ربع ساعه يوم غطى جسمي كتل من الملح

جا الهندي تو الناس تكفى تعال >> لا وانا معصب واحط حرة قلبي في ذا المسيكين

المهم .!

ركب لي البتاع وشغل لي الدباب >> المسكين توه بيقول خلص الوقت والا احلى غسييييييل مستعجل

وعان عععاان والله اني ادور ذاك اللي سبحني يمين يسار ولد حول بدل ما فيه اثر

الخايس يوم شاف الهندي جايني طق انحاش احلى زبنه

المهم بعد ما يئست عودت الدباب وانا حالف ساعتها انه اخر واحد اركبه ..


وانا بالطريق امشى >> جارن اذيال الهزيمه ولا ذا العالم ما فيه الا قوة ضحك

حتى العجايز العجز يناظرن ويضحكن هاذا اللي تدربى وطاح من الدباب

وصلت للشاليه ومن ذاك اليوم وانا مسنتر فيه ما تحركت ما غير ادور ذاك الخايس >>احس انكم تدعون له

بس والله ربكم يحبه ما فيه اي اثر ..

هاذي الدنيا وانا اخوكم يوم لك ويوم عليك >> ما يعرف يرقع ابدن

ويا زين الرياض

سلملم

نصووووووووووووووووووووووووووووري