حـكــــيـم الـروابــــــــع

الماء بالشكل واحد يختلف فالمنابع = فيه حلوٍ زلال وفيه مرٍ عباكل
والبشر ما تساوى تختلف كالأصابع = فيه ناسٍ مخابر فيه ناسٍ هياكل
فيه منهو ينومس بالحكي والروابع = تستشيره ليا كثرت عليك المشاكل
فالمواقف ثقيلٍ ما تهزّه زوابع = وليا منّه تكلّم حد ما هو بحاكل
وفيه ناسٍ جهلها مستمرٍ وطابع = شالت روسٍ كبيره فاضيه كالجراكل
فكره ايكون بطنه ممتلي دوم شابع = شال هم الولايم كيف يشرب وياكل