(الي تفوته صلاة الفجر خسراااااان)

يالله يالي رجيته ما ارتجي غيره = ربٍ كريمٍ دعيته مامعه ثاني
يدعيك عبدك بَعَد ماضاع تفكيره = يالله تغفر لعبدك ونت رحماني
من عقب شفت الزمن دارت مداويره = ليام تجري بنا والعُمر نقصاني
لي راح عمر الفتى مافيه تطويره = ماينفع الطب مايكفيك عزراني
في ساعةٍ والعُمُر يعلن بتصديره = لحظه فراق الحياه وقتها حاني
ماعاد في العُمر تقديمه وتاخيره = مهما تطول حياتك فالعمر فاني
راحت سنين العمر ونهى مشاويره = ماكَنّها الادقايق ذيك الازماني
لنسان ينسى من الموت ومقاديره = والنفس يتبع هواها كل شيطاني
من سار في دربها مابعدها خيره = النفس عميا وراها كل عمياني
ياجاهل في حياته ويش تبريره = ماينفع الا العمل والخير لحساني
صل الفريضه وتهليله وتكبيره = ولي تفوته صلات الفجر خسراااني
والمال تخرج زكاته من مقاديره = ولي يجيه البُخل ماهو بربحاني
انا اشهد ان البخل لاهل البخل عيره = وتصوم صومك وتبشر لك بغفراني
وتحج حج الفريضه دون تاخيره = ان كنت تقدر عليها منت ندماني
وباقي السنن كلها للذنب تكفيره = وكثر من الذكر لاياتيك نسياني