الله يتوب علينا

هداج العاطفي · 08-03-10, 07:29 PM

السلام عليكم ورحمة الله وبركاته

قصيده اعجبتني وحبية اقدمها لكم

وين انت ليتك شايف حالي اليـوم
ماعاد فينـي مـا اتحمـل زيـاده
لا خاطري رايق ولا جاني النـوم
عز الله انما نيـب ويـا السعـاده
فالليل مهموم وفالصبـح مهمـوم
حكمتنـي فالحـب حكـم الابـاده
مهما حكيت احس بالصدر مكتـوم
عايشت من بعدك حيـاة النكـاده
اسعى وراك سنين وسنين بالكـوم
شريط عمـري راح مالـه اعـاده
ومازلت ياظالم وانا منك مظلـوم
واخذت في ظلمي قـرار واشـاده
غيري معك معطى وانا منك محروم
مـدري بـلاي الحـظ ولا قـراده
وانا ادري ان هذا مقدر ومقسـوم
في حبـك اللـي ممتلكنـي وداده
امشي معك واطيح لرضاك واقـوم
ماهو بكيفي غصب من غير اراده
لو اضمن اني منك لو مت مرحوم
استغفر الله حبـك اكبـر شهـاده

الشاعر الكبير محمد بن شديد العاطفي

نايف بن جليد · 08-03-10, 07:32 PM

بيض الله وجهك يا هدااااج
وصحت يمينك يالغالي

وبداااايه موفقه ورااااائعه

وتشرفنا بك

دمت بخير

سفر بن مبارك · 09-03-10, 09:50 AM

صح الله لسانك ولسان الشاعر والله يحييك وننتظر جديدك,,,,,,,,,,,,,,

سعيد الخزماني · 09-03-10, 10:28 AM

صح لسانك ولسان القايل

ولاهنت

فلاح ال راكان · 11-03-10, 05:39 AM

ارررررررررحب يا هداج تراحيب الحيا ..

حيه وحي ماجاب ..

وصح الله السانك والسان محمد بن شديد مدد بلا عدد ..

جزل يا لاقرم ولا جبت الا جزل ..

تقبل مروري ..

حناش · 11-03-10, 09:27 AM

صح الله لسانك ولسان الشاعر والله يحييك وننتظر جديدك

كبرياء انثى · 11-03-10, 11:48 PM

فالليل مهموم وفالصبـح مهمـوم
حكمتنـي فالحـب حكـم الابـاده
كل بيت يمثل قصيده لاهنت ياهداج ولاهان شاعرها ولاحرفه الواافي
تسلم ذووووق قمه في الروعه والابداع ننتظر جديدك ولاتحرمنا
تقبل مروري واطلالتي
اختك...كبرياء انثى...

الله يتوب علينا

ديــــــوان القصـــــــــــــص والروايــــــــــــــــــــات