البحر ما الله كتب لى فيه عيشـه ..

فلاح ال راكان · 11-03-10, 04:16 AM

بسم الله الرحمن الرحيم ..

السلام عليكم ورحمة الله وبركاته ..

يقول الشاعر

البحر مالله كتب لي فيه عيشـه = جعل رزقي فوق موميت الحبالي

طبعاً البيت هذا البيت مشهور و أردت ان ابحث عن قائله وعندما بحثت سقطت في متاهه ووجدت عدد من الشعراء قيل انهم اصحاب هذا البيت و أشهرهم :

صالح بن ثانيه المري , زباران العرجاني , حمد بن عفيشه الهاجري , الغيهبان

وعندما كنت أبحث وجدت في احد الروايات ما دعاني ان أكتب هذا الموضوع وهي قصة يقال انها هي مناسبة هذه القصيده وراويتي لها ليست جزماً مني بأنها هي الأصح انما من باب الأنس وتبادل الاراء ووجهات النظر ان وجدت ..

تقول القصه..

في احد الايام تخاوى الشاعرين / حمد بن عفيشه الهاجري . وخاله الشاعر / صالح بن ثانيه الجربوعي المري للبحر مرافقين لأبن ثاني احد شيوخ قطر وعندما ركبو البحر طلب ابن عفيشه من صالح بن ثانيه ان لايطري الشعر ولا يقوله حتى مايتهيضون ولايتذكرون ديرتهم ويصيبهم الغم اذا تذكرو الديره وربعهم فوافق الشاعر صالح بن ثانيه .. واستمرت الرحله

وعندما أبتعدو عن الديره لم يستطع ابن ثانيه السكوت فقال :

ودي أغنـى وكاربنـي عفيشـه = ويش أبا أسوى لامن ضاق بالي
زوع قلبى زوع فرخ ٍ صف ريشه -= واقت أمه لين عشه منه خالـي

وعندها سكت بن ثانيه و رد عليه بن عفيشه مشفي ومكملاً لما في خاطره :

وصفق قلبي صفق بيبان الدريشه = يوم تصفق من جنوب ومن شمالي
البحر ما الله كتب لى فيه عيشـه = عيشتي من فوق موميت الحبالـي

م/ن

منتديات سمان الهرج ..

تقبلو تحياتي,..

أبو عبدالعزيز · 11-03-10, 10:50 AM

وافي وافي وافي لاعدمتك

أبو عبدالعزيز · 11-03-10, 10:52 AM

شـكــ وبارك الله فيك ـــرا لك ... لك مني أجمل تحية .

فلاح ال راكان · 11-03-10, 04:11 PM

اقتباس:

المشاركة الأصلية كتبت بواسطة عوض بن صليم

وافي وافي وافي لاعدمتك

اررررررررررررحب يابن صليم ..

ولا عليك زود نفداك ..

مرورك شرف يا القرم ..

فلاح ال راكان · 13-03-10, 11:08 PM

اقتباس:

المشاركة الأصلية كتبت بواسطة سعد بن كدم

ارحب يابو ناصر ارحب

الله يطول عمرك يالقرم دايم علومك ذربه ولاهي غريبه عليك جعلك تحيا

انت ماعديت الا الصحيح والله يرحم ابن عفيشه وابن ثانيه واموات المسلمين

تحيات خوك

البقى والله البقى يابو محمد ..

وجعل عمرك مديد يا القرم ..

مرورك شرف ووسام نفداك ..

أبو حسين · 14-03-10, 07:58 AM

لاهنت والله يرحمهم جميع وانا سمعتها من احد شيبان الدواسر قبل 15 سنه تقريبا ونسبها لشاعر ودعاني
كان متنقل بين السليل والبريمي وبناله قصور في البريمي وهو اللي يقول قصر البريمي كلا يهابه

فلاح ال راكان · 17-03-10, 05:20 AM

اقتباس:

المشاركة الأصلية كتبت بواسطة سعد بن حصوصه

لاهنت والله يرحمهم جميع وانا سمعتها من احد شيبان الدواسر قبل 15 سنه تقريبا ونسبها لشاعر ودعاني
كان متنقل بين السليل والبريمي وبناله قصور في البريمي وهو اللي يقول قصر البريمي كلا يهابه

القايل مايهون وجهك ابيض يابو حسين ..

والدوسري الظاهر عنده لبس في الموضوع لأن السالفه معروفه ومشهوره عندنا وعند قبيلة ال مره يام نفداك ..

مرورك يابو حسين وتعليقك والله انه شرف ..

محمد الحشاش · 17-03-10, 10:36 AM

ارررررررررررررررحب يافلاح ملايين,,,,,,,,
سلمت يمناك على الطرح الجميل ...
ابيات تسوى دواوين ..
تقبل مروري.

البحر ما الله كتب لى فيه عيشـه ..

ديــــــــــوان ملتقـــــــــــــــى الشـــــــــــــــــــعـراء