آآركدت صوتي وجيتك مقبل (بزامل)

أركدت صوتي وجيتك مقبل بزامل=يوم ٍ لفاني من الوقت الشقاوي خلل
كنت أحسب أنك ليا جاء لازمي صامل=وأثرك على مكسب الناموس صابك ملل
أبوك مطلق وخالك ما هو بهامل=موضوعنا يوم جاك وكنه صابك شلل
كانك مأمن على دنياك بالشامل=لا تأمن امن الليالي والمصايب جلل
لا صار عندك محلين(ن) وكم عامل=وسيارتك جيب وساكن في ثلاثة فلل
فلا تحسب أنك على كل البشر كامل=لو كنت تصرف جنيه وكنت تصرف هلل
إن كنت لا تستطيع ولا أنته بحامل=حمل المراجل ونار (ن) تشتعل بالصلل
أطفيت ضوك وذكرك بالعرب خامل=ما حشتلك في علوم المرجله ....لو حلل
ماني مجاملك لو كنت أنت بتجامل=بعض المجامل على بعض الجمايل ...علل
فالخاتمه يالسنافي نرجي ونأمل=تبعد من النو يمطر ثم يصيبك بلل