---ان جيت يا خاطر عسى الله يحييك---

ابو شويل المعمري · 27-03-10, 01:42 PM

السلام عليكم ورحمة الله وبركاته

قصيدة لشاعر العرب الشاعر/سلطان بن وسام الهاجري الحقيقة هي من اجمل قصائد ابو وسام ويقول فيها:

ان جيت يا خاطر عسى الله يحييك
على الشحم ومبهرات الدلالي

عند الرفيق اللي يعزك ويغليك
حيثك ولد عود(ن) عزيز(ن) وغالي

وان رحت ياخاطر فلا عندنا فيك
تغيب عنا شهور ولا ليالي

خذها على الذرعان مني وانا خيك
الكذب ماهو من سمات الرجالي

لا راجي(ن)غيرك ولاني براجيك
في كل ميراد(ن)طوال(ن)حبالي

افتل واحل معقدات الشرابيك
واشيل ما شالت ظهور الجمالي

يا ما تصعلكنا وسرنا صعاليك
ويا ما تحملنا الحمول الثقالي

للمرجلة صرنا عبيد(ن)مماليك
وكفوفنا تندى من اول وتالي

لو كان ما نملك رصيد(ن)على شيك
وجيهنا عند النشاما طوالي

نشوم عن هاذي ونرهي على ذيك
وما حاشت ايدينا ما هو راس مالي