الطيب لا تستغربه من هل الطيب..؟؟

السلام عليكم ورحمة الله وبركاته
أسعد الله أوقاتكم بكل خير
،،،،،،،،،،،،،،،،،،،،،،،،،،،

الطيب لا تستغربه من هل الطيب=اللي لهم في منهج الطيب خبره
أوسع على الأجواد من فيضة شعيب=وأضوق على الأنذال من خرم الأبره

،،،،،،،،،،،،،،،،،،،،،،،،،
بيتين نرددها كثيراً لما تحمله من معنى
ولكن بعضنا لا يعلم من قائلها
وقد قيل إنها للشاعر الكبير / سعد بن جدلان الأكلبي
وبحثت عنها فوجدتها لشاعر جعل بصمته الخاصه على هذه القصيدة
وهو الشاعر/ محمد بن سياف الصاري الأكلبي
،،،،،،،،،،،،،،،،،،،،،،،
وأترككم مع القصيدة كاملةً

أبسط معرفة تفرق الطيب والعيب=والتجربة يأخذ بها الرجل خبره
درب الوفاء قالوا ترى عسر وصعيب=يلقى حلاته من شرب كأس صبره
الطيب لا تستغربه من هل الطيب=اللي لهم في منهج الطيب خبره
أوسع على الأجواد من فيضة شعيب=وأضوق على الأنذال من خرم الأبره
رأس بليا أحساس نقله ترى تعيب=مثل القلم ما ينفع إلا بحبره
والعظم لا منه فسد مخه يعيب=كسره يساوي عند راعيه جبره
والأمثال قالت كل طير ٍ له لعيب=يدرع بما يدرع ويشبر بشبره

المشاركة الأصلية كتبت بواسطة أبو معتز بيض الله وجهك يا شاعرنا على النقل المميز وانشهد انها بيوت شاعر الله لايهينك وتحياتي لك يالقرم

آآآرحب يابو معتز
،،،،،،،،،،،،،،
ووجهك أبيض والله لا يهينك على المرور
،،،،،،،،،

المشاركة الأصلية كتبت بواسطة سعد بن حصوصه بيض الله وجهك يابو حاتم على النقل الموفق لشاعر كلن يشهد بقصائده الجزله

ووجهك أبيض يابو حسين
،،،،،،،،،،،،
مرورك شرف

المشاركة الأصلية كتبت بواسطة محمد الحشاش من طيب قصائد سعد ابن جدلان كل ماقيل سالفه طيبه قالوا لأبن جدلان.. صح لسان الشاعر .. وشـكــ وبارك الله فيك ـــرا لك ... لك مني أجمل تحية . على التنويه والطرح المميز..

آرحب يابو سعد
،،،،،،،،،،،
أشكرك على المرور