يا سعيد..... ما تدري وش اللي جاني؟؟

بسم الله الرحمن الرحيم
السلام عليكم ورحمة الله وبركاته
،،،،،،،،،،،،،،،،،،،،،،،،،،،،،،،،
أقدم لكم هذه القصيدة للتواصل وأتمنى أن تنال أعجابكم
،،،،،،،،،،،،،،،،،،

يا سعيد ما تدري وش اللي جاني=والله بلاني بالهوى ودروبه
مدري وش اللي بالهوى وداني=وأنا من أول معلنن بالتوبه
سلمت قلبي للغضي بالعاني=وأصبحت ضمن العالم المنكوبه
بغيت أبطل حبه وما أمداني=خوفي جزع من غلطتن محسوبه
غرون بحبه صابني وأشقاني=نفسي رضت بالخطوه المكتوبه
اللي تملّك خافقي وعنّاني=خيمته في وسط الحشا منصوبه
اللي سحرني بنظرة الأعياني=سيطر على قلب الشقا بأسلوبه
أسوق وأرخص غالي الأثماني=مكسب رضا هو غايتن مطلوبه
مير المصيبه يوم جاء يجفاني=والنار في وسط الحشا مشبوبه
قلت البلاء من هرجة العدواني=اللي تفبرك لعبتن ملعوبه
قالوا فلانه من نصيب فلاني=وأنت اتّحرا وحدتن مخطوبه
خلك وحيد وعايش ٍ بأحزاني=ويمكن بتلقى غيرها رعبوبه
وأنا ماصدق كلمة الفتّاني=هرجة حسود ٍ جاتني من صوبه
الواشي النمّام والخوّاني=هدّام بيت الحب طوبه....طوبه
حتى أكتشفت اللي خفى وأنباني=وكل الحقايق ماهي بمحجوبه
يوم أنقطع عنّي ولا حاكاني=والغى مراسيل الغلا مندوبه
وأيقنت بأنه مقفي وخلاّني=نجحت خطط من خطّطوا واقفوبه
بأصبر ولو عشت الزمن وحداني=قاسي على هوش الزمن وحروبه
مادمت حرّن وأكفخ بجنحاني=وادعت من قلبه يحسب اذنوبه
ويا سعيد دامك عارفن وش جاني=توبه من اطروق الهوى ودروبه

المشاركة الأصلية كتبت بواسطة أحمد بن شريم صح السانك قصيدة وصفيّه جميله

المشاركة الأصلية كتبت بواسطة سعيد آل فارع صح السانك وبيض الله وجهك رائع وقصيده رائعه

المشاركة الأصلية كتبت بواسطة علي بن سلمان آل مجرّي السلام عليكم ورحمة الله وبركاته صح لسانك وبيض الله وجهك ابدعت شـكــ وبارك الله فيك ـــرا لك ... لك مني أجمل تحية .

المشاركة الأصلية كتبت بواسطة سعد بن حصوصه ارحب يابوحاتم وصح السانك يالغالي على القصيد الجزل