قـــصيـــــدة المــلــتـــقــى

أبو معتز · 18-06-10, 11:32 PM

بسم الله الرحمن الرحيم
السلام عليكم ورحمة الله وبركاته
هذه القصايد اللتي القيتها على منبر حفل ملتقى قبائل عبيدة قحطان الذي اقيم امس يوم الخميس الموافق 5/7/1431هـ بقاعة سلطان للإحتفالات المنطقه الشرقيه ( الدمام )

حيا الله الضيفان

في محتفل ربعي عبيدة هل الطيب = وقفت والوقفه علي محسوبه
في واجبً ما صد عنه ولا غيب = الا حضوراً في المقام ووجوبه
تو الرجال اهل النقا والمواجيب = في محفلن توافد الكل صوبه
حيا الله الضيفان بأسم المعازيب = اعداد مانس الشمال وهبوبه
على الشحم والبن والهيل والطيب = وعلمً ينومس صاحبه لاحكوبه
في ليلةً تقدح سماها تراحيب = وربعً يشوش الضيف لا رحبوبه
في مجمعً جوله و وفود ومناديب = الضيف يقلط والرجال احتفوا به
مجمع عبيدة منجحين المضاريب = اللي اعداء الدين موت وعقوبه
ومن دون دولتهم سيوفً محاديب = وعلى هل الارهاب نارً شبوبه
والا الولاء مافيه شكً ولا ريب = للدين والدوله وداراً حيو به
وانا وقفت ومقصدي والمكاسيب =اوصل بشعري هقوة اللي هقوبه
وان كان ما جملت ربعي هل الطيب = ماني بفهري سعدهم لا اعتزوبه

أهل السلوم

ياهجوسي من جزيلات الفرايد = ساعديني في بنا بيت القصيده
في مدح من مدحهم ماهوب كايد = الســـجل فعول والتاريخ قيده
والسلوم اللي اتعب يا عبايد = ما حفظها الا عبيده ياعبيده
في العصور الاوله والا الجدايد = ورث من الاجداد ماجتنا جديده
قبل عصر العولمه وقت الشدايد = العبيدي لاعتزا ما ضاع صيده
وقحطان اهل الشجاعه و العوايد =الرجال اللي مواقفهم سديده
طيبين الروس و وساع البنايد = وقفة الرجال منهم عن بديده
وفي زمانً في فود وفيه فايد = الصبي لا فاد ما فاد الزهيده
يلطم العدوان كساب الفوايد = ويكسب الناموس بأفعاله وبيده
وفي الزمان الحاضر عضود وسنايد = والولاء لملوك دولتنا الرشيده
للملك وعضوده افراد وبدايد = ما نخون العهد والدنيا مديده
مخلصين للوطن دولة وقايد = وان عبس وجه الزمان سلاح فيـده
لاهبو من خططو له بالمكايد = شلة الارهاب للنار الوقيده
تبت ايدين الخبيث اللي يحايد = ما سلك دربً عليه اهل العقيده
شوه الاسلام وافتا في العقايد = وجر من الاشرار من صاروا عبيده
في طريقٍ سالكه ماهوب بعايد = من يحارب دولته وش يستفيده..؟
ما يفيد الا الذنوب اللي تزايد = كل ما غزه ابليس اللي يسيده
مادرى ان الدين عز والامن سايد = والعدو يموت دمه في وريده
ومن يشكك في الولاء والا يزايد = ماعلينا من عبيده وشك زيده
من يحيد يطيح في حبل المصايد = وينثني عن هقوته ويشد قيد
ولو نقول اللي نقول من القصايد = ما تكفى في مدايحكم قصيده
والهجوس اللي ما تبخل بالفرايد = ما تجيب من القصيد الا فريده
والسلام ختام يا ربعي عبايد = ياهل الوقفات لا قالواعبيده

مع تحيات اخووكم محمد بن عبدالله الفهري (ابو معتز)

بن عواض الكنـــادي · 18-06-10, 11:34 PM

وافي وبيض الله وجهك والطيب والجميل فالك

محمد الحشاش · 18-06-10, 11:37 PM

صح لسانك ولاهي غريبه الجزاله منك..
وربعك يستاهلون المدح..

ابو فلاح · 18-06-10, 11:55 PM

صح لسانك ياأبو معتز وبيض الله وجهك..

محمد العايذي · 19-06-10, 12:08 AM

صح لسانك يابو معتز

لا هنت و الله يبيض وجهك

اخوك
أبو عبدالله

سلطان ابوديه · 19-06-10, 12:36 AM

صح لاسانك واعتلا شنك

ابداع ماله حد وجزله في العد

دام بوحك

سعيد آل فارع · 19-06-10, 04:43 PM

صح السانك يابو معتز

انت وقصيدك ترفعون الراس ولا برك للحمول الاجملها

بيض الله وجهك والله يعطيك العافيه

تحياتي من القلب

ملوح ال دحباش · 19-06-10, 04:50 PM

صح لسانكككككككككك وبيض الله وجهك

أبو عبدالعزيز · 19-06-10, 06:15 PM

بيض الله وجهك وافي وجميل لعبيدة حضوركم جميع

أبو عبدالعزيز · 21-06-10, 01:15 PM

في محتفل ربعي عبيدة هل الطيب ** وقفت والوقفه علي محسوبه
في واجبً ما صد عنه ولا غيب ** الا حضوراً في المقام ووجوبه
تو الرجال اهل النقا والمواجيب ** في محفلن توافد الكل صوبه
حيا الله الضيفان بأسم المعازيب ** اعداد مانس الشمال وهبوبه
على الشحم والبن والهيل والطيب ** وعلمً ينومس صاحبه لاحكوبه
في ليلةً تقدح سماها تراحيب ** وربعً يشوش الضيف لا رحبوبه
في مجمعً جوله و وفود ومناديب ** الضيف يقلط والرجال احتفوا به
مجمع عبيدة مكملين المواجيب ** اللي اعداء الدين موت وعقوبه
ومن دون دولتهم سيوفً محاديب ** وعلى هل الارهاب نارً شبوبه
والا الولاء مافيه شكً ولا ريب ** للدين والدوله وداراً حيو به
وانا وقفت ومقصدي والمكاسيب **اوصل بشعري هقوة اللي هقوبه
وان كان ما جملت ربعي هل الطيب ** ماني بفهري سعدهم لا اعتزوبه

(القصيدة الاخرى)
أهل السلوم
ياهجوسي من جزيلات الفرايد ** ساعديني في بنا بيت القصيده
في مدح من مدحهم ماهوب كايد ** الســـجل فعول والتاريخ قيده
والسلوم اللي اتعب يا عبايد ** ما حفظها الا عبيده ياعبيده
في العصور الاوله والا الجدايد ** ورث من الاجداد ماجتنا جديده
قبل عصر العولمه وقت الشدايد ** العبيدي لاعتزا ما ضاع صيده
الله يبيض وجيه اهل العوايد **الرجال اللي مواقفهم سديده
طيبين الروس و وساع البنايد ** وقفة الرجال منهم عن بديده
وفي زمانً في فود وفيه فايد ** الصبي لا فاد ما فاد الزهيده
يلطم العدوان كساب الفوايد ** ويكسب الناموس بأفعاله وبيده
وفي الزمان الحاضر عضود وسنايد ** والولاء لملوك دولتنا الرشيده
للملك وعضوده افراد وبدايد ** ما نخون العهد والدنيا مديده
مخلصين للوطن دولة وقايد ** وان عبس وجه الزمان سلاح فيـده
لاهبو من خططو له بالمكايد ** شلة الارهاب للنار الوقيده
تبت ايدين الخبيث اللي يحايد ** ما سلك دربً عليه اهل العقيده
شوه الاسلام وافتا في العقايد ** وجر من الاشرار من صاروا عبيده
في طريقٍ سالكه ماهوب بعايد ** من يحارب دولته وش يستفيده..؟
ما يفيد الا الذنوب اللي تزايد ** كل ما غزه ابليس اللي يسيده
مادرى ان الدين عز والامن سايد ** والعدو يموت دمه في وريده
ومن يشكك في الولاء والا يزايد ** ماعلينا من عبيده وشك زيده
من يحيد يطيح في حبل المصايد ** وينثني عن هقوته ويشد قيده
ولو نقول اللي نقول من القصايد ** ما تكفى في مدايحكم قصيده
والهجوس اللي ما تبخل بالفرايد ** ما تجيب من القصيد الا فريده
والسلام ختام يا ربعي عبايد ** ياهل الوقفات لا قالواعبيده

رائعه بل ذائقه اعجز ان اتألقها

قـــصيـــــدة المــلــتـــقــى

مجـلــــــس الشـــــــــــــــــعـر الشـــــــــــــــــــعبـي