هنا نذكر ماقيل وماسيقال في ملتقى قبائل عبيدة قحطان

عطران الشوارب · 20-06-10, 03:25 AM

والله انا توني جديد في المنتدى وما أدري عن الحفل الا الان والا كان شاركنا معكم...

يعطيكم العافيه...
أحمد الزهيري..

سعد بن نوره · 20-06-10, 11:33 AM

بسم الله الرحمن الرحيم

في البداية أسأل الله لكم مزيد من التوفيق والنجاح وأن يعينكم على هذا الجهد المبذول في خدمة قبائل عبيدة خاصة وقحطان عامة .

وسعدنا كثيراً فيما قيل عن هذا الحفل فقد تم دعوة الشيخ / سيف بن سعد بن نوره الحرقان وبعض أعيان ال سلطان الحرقان وعبروا لنا في أحد الأجتماعات في الرياض عن تميز حفل التدشين وأشادوا بالجهود المبذوله من الخوه الأعضاء وعلى رأسهم الأستاذ / عوض بن صليم والأستاذ/ سعد بن حصوصة وهذا ليس بغريب عليهم فهم من أشاوس عبيدة ويستحقون الثناء من الجميع .

فنبارك للجميع هذا التميز .... والله الموفق

أبو راكان · 20-06-10, 12:19 PM

اقتباس:

المشاركة الأصلية كتبت بواسطة سعد بن نوره

بسم الله الرحمن الرحيم

في البداية أسأل الله لكم مزيد من التوفيق والنجاح وأن يعينكم على هذا الجهد المبذول في خدمة قبائل عبيدة خاصة وقحطان عامة .

وسعدنا كثيراً فيما قيل عن هذا الحفل فقد تم دعوة الشيخ / سيف بن سعد بن نوره الحرقان وبعض أعيان ال سلطان الحرقان وعبروا لنا في أحد الأجتماعات في الرياض عن تميز حفل التدشين وأشادوا بالجهود المبذوله من الخوه الأعضاء وعلى رأسهم الأستاذ / عوض بن صليم والأستاذ/ سعد بن حصوصة وهذا ليس بغريب عليهم فهم من أشاوس عبيدة ويستحقون الثناء من الجميع .

فنبارك للجميع هذا التميز .... والله الموفق

جعله يسلم ماقصر ابو سعد حضر وجملنا وشارك بهديه غاليه لمنتديات عبايد وجعلكم ســــــــــــلوم وذخر والنجاح حصل بتكاتف الجميع

أبو معتز · 20-06-10, 01:53 PM

بسم الله الرحمن الرحيم
السلام عليكم ورحمة الله وبركاته
هذه القصايد اللتي القيتها على منبر حفل ملتقى قبائل عبيدة قحطان الذي اقيم امس يوم الخميس الموافق 5/7/1431هـ بقاعة سلطان للإحتفالات المنطقه الشرقيه ( الدمام )

حيا الله الضيفان

في محتفل ربعي عبيدة هل الطيب = وقفت والوقفه علي محسوبه

في واجبً ما صد عنه ولا غيب = الا حضوراً في المقام ووجوبه

تو الرجال اهل النقا والمواجيب = في محفلن توافد الكل صوبه

حيا الله الضيفان بأسم المعازيب = اعداد مانس الشمال وهبوبه

على الشحم والبن والهيل والطيب = وعلمً ينومس صاحبه لاحكوبه

في ليلةً تقدح سماها تراحيب = وربعً يشوش الضيف لا رحبوبه

في مجمعً جوله و وفود ومناديب = الضيف يقلط والرجال احتفوا به

مجمع عبيدة منجحين المضاريب = اللي اعداء الدين موت وعقوبه

ومن دون دولتهم سيوفً محاديب = وعلى هل الارهاب نارً شبوبه

والا الولاء مافيه شكً ولا ريب = للدين والدوله وداراً حيو به

وانا وقفت ومقصدي والمكاسيب =اوصل بشعري هقوة اللي هقوبه

وان كان ما جملت ربعي هل الطيب = ماني بفهري سعدهم لا اعتزوبه

أهل السلوم

ياهجوسي من جزيلات الفرايد = ساعديني في بنا بيت القصيده

في مدح من مدحهم ماهوب كايد = الســـجل فعول والتاريخ قيده

والسلوم اللي اتعب يا عبايد = ما حفظها الا عبيده ياعبيده

في العصور الاوله والا الجدايد = ورث من الاجداد ماجتنا جديده

قبل عصر العولمه وقت الشدايد = العبيدي لاعتزا ما ضاع صيده

الله يبيض وجيه اهل العوايد =الرجال اللي مواقفهم سديده

طيبين الروس و وساع البنايد = وقفة الرجال منهم عن بديده

وفي زمانً في فود وفيه فايد = الصبي لا فاد ما فاد الزهيده

يلطم العدوان كساب الفوايد = ويكسب الناموس بأفعاله وبيده

وفي الزمان الحاضر عضود وسنايد = والولاء لملوك دولتنا الرشيده

للملك وعضوده افراد وبدايد = ما نخون العهد والدنيا مديده

مخلصين للوطن دولة وقايد = وان عبس وجه الزمان سلاح فيـده

لاهبو من خططو له بالمكايد = شلة الارهاب للنار الوقيده

تبت ايدين الخبيث اللي يحايد = ما سلك دربً عليه اهل العقيده

شوه الاسلام وافتا في العقايد = وجر من الاشرار من صاروا عبيده

في طريقٍ سالكه ماهوب بعايد = من يحارب دولته وش يستفيده..؟

ما يفيد الا الذنوب اللي تزايد = كل ما غزه ابليس اللي يسيده

مادرى ان الدين عز والامن سايد = والعدو يموت دمه في وريده

ومن يشكك في الولاء والا يزايد = ماعلينا من عبيده وشك زيده

من يحيد يطيح في حبل المصايد = وينثني عن هقوته ويشد قيده

ولو نقول اللي نقول من القصايد = ما تكفى في مدايحكم قصيده

والهجوس اللي ما تبخل بالفرايد = ما تجيب من القصيد الا فريده

والسلام ختام يا ربعي عبايد = ياهل الوقفات لا قالواعبيده

مع تحيات اخووكم محمد بن عبدالله الفهري (ابو معتز)

ابوفهد الفهري · 20-06-10, 02:54 PM

عوض بن صليم
سعد بن حصوصه
فعلكم غانم ويجمل
و بيض الله وجيهكم ولاهو بغريب عليكم
فالطيب مانستغربه من هل الطيب الي لهم في منهج الطيب خبره
اوسع على الاجواد من فيضة اشعيب واضوق على لنذال من ثقب الابره

أبو عبدالعزيز · 20-06-10, 04:30 PM

الله يبيض وجيهكم ردود ترفع الراس

والشكر هنا موصول الى الشيخ/سيف بن سعد بن نوره الحرقي

على حضوره من الرياض وتقديمه هدايا انفرد هو بتقديمه

اشكرك ابا سعد

شباب المسردي · 20-06-10, 06:00 PM

مشكووووووووووووووووور ويعطيك العافيه

بن عواض الكنـــادي · 20-06-10, 06:14 PM

ماقول الا ماشاء الله...و من سبقني من الاخوة وفى وكفى وهم دائم سباقين للعلوم الطيبة

اجتماع مميز بتميزكم وجهودكم الجباره اللتي ابهرت من حضر لانه اول اجتماع لقبائل عبيدة

جمعا تكاتف على الخير والمحبه نابذين العنصرية والتفرقه والارهاب وكل العادات السئيه والحث على الاخلاق الفاضله

حبآ للدين وولاة الامر وللعلماء والوطن فشكر الله سعيكم

والله نسأل ان يحفظ ايماننا وامنناء ويديم نعمته على هذا الوطن الغالي

اخوكم جوغانم

مبارك محمد الجروي · 20-06-10, 08:05 PM

بسم الله الرحمن الرحيم
السلام عليكم ورحمة الله وبركاته
اولاً الحمد لله وحده فبحمده وشكره تتم النعم والصلاة والسلام على أشرف خلق الله محمد بن عبد الله علية أفضل الصلاة والتسليم
أن ماتحقق من نجاح وتوفيق فمن الله سبحانه وتعالي وبجهود المخلصين الذين لايألون جهدا في الأرتقاء بهذا الجهد الى مصاف النجومية والنجاح الباهر
فكانت ليله مختلفه اجتمعت فيها مشايخ واعيان ورجال قبائل عبيدة والأعلاميين الذين غطوا الحفل في مكان واحد وفي حفل جميل يسر الخاطر وينومس
من اسس هذا المنتدى الاخوين / عوض ابن صليم الزهيري القحطاني / وسعد بن حسين بن حصوصه العابسي القحطاني اللذين أعطيا من وقتهما وجهدهما ومالهما الشئ الكثير دون حساب ويشرف كل من اجتهد وتكفل ودعم هذه الأحتفالية الكبيرة
ويشرف اللجنة الاستشاريه ممثلة في مستشارها الاستاذ الكبير سفر بن مبارك بن هباش هذا الرجل الذي يعمل بصمت ويجير جهده وتعبه
لغيره حبً في ربعه ورغبه منه في عدم الظهور كذلك الاخوان اعضاء اللجنة الاستشاريه جميعا
والاخ عضو اللجنة الاستشاريه الغالي على الجميع الشاب النشط المعروف بنشاطه وجهد لخدمة بني عمه الاخ ابو سلطان العبيدي الذي كانت جهوده واضحه وساهمت بشكل كبير في نجاح هذا الحفل والمشرفين والمراقبين ومنهم على سبيل الذكر لاللحصر ابن عواض العبيدي والشعار الاخ سعود البسامي والاخ ابو فلاح والاخ ابو معتز والاخ محمد سيف الجروى والاخ سلطان ابو دية وجميع من بذل جهد في هذا الحفل
وكان لمقدم الحفل الاعلامي الكاتب / على بن حسن ال جبعان التميز في اضفاء لمسة اعلامية على فقرات الحفل
وكان حضور صحيفة طريب ممثلة في الاستاذ/ سعيد ال ناجع وشبكة قحطان ممثلة في المهندس / منصور العبدالله وعدد من الاعلاميين له الاثر الكبير في أنجاح هذا الحفل والكاتب والباحث/ حسين ال حمدان الفهرى والدكتور الاديب / عبد اللطيف الجوهرى الذى كان حضوره مميزا والشاعر عيد القرقاح
ونتقدم بالشكر الجزيل والكبير للشيخ / على ابو سكيتة لدعمه هذا المنتدي والحفل وتكفلة أقامة الاعلاميين بالفندق على حسابه الشخصي
ولكل رجال عبيدة صغار وكبار لتجشمهم عناء السفر والحضورفهم بحق نجوم الحفل
نرجو المعذرة لمن لم نذكر أسمه سهوا وليس قصدا

رئيس تحرير صحيفة منتديات ومجالس قبائل عبيدة قحطان الإليكترونية
مبارك محمد الجروي

أبو معتز · 20-06-10, 08:57 PM

بسم الله الرحمن الرحيم
السلام عليكم ورحمة الله وبركاته
هذه قصيدة الشاعر عيد محمد القرقاح اللتي القاها على منبر حفل ملتقى قبائل عبيدة
قحطان الذي اقيم في المنطقه الشرقيه يوم الخميس الموافق 5/7/1431هـ
بقاعة سلطان للإحتفالات بالدمام

(نصر والا شهاده )

يا الله ياللي ما سجدنا الا ارضا له = ربنا اللي جنته مقصد عباده
واقي العثرات غافر كل زله = الإله اللي توحد بالعباده
بعدها برقا مقام الطيب كله = مرحبا والمعنويه في زياده
عد ما تبدى الصابيح المطله = في السماء الدنيا وربي له مراده
الضماير والخواطر مسفهله = في ذرا حكامنا واهل الرياده
الوطن في قلوبنا حبه جبله = كل ابونا يا وطن تحيا القياده
صفنا واحد ولا في الصف خله = الوطن ما ينجحد ملحه وزاده
قول من بدع المثايل جايز له = شاعر وقف على الله اعتماده
من عبيده فهرياً يعرف محله = للمراجل يدفعه قو الاراده
ما ثنوه اهل العقول المضمحله = علمه وقته مع الصبر الجلاده
والبدايه والنهايه الله الله = بأسم ابو متعب نصر والا شهاده

هنا نذكر ماقيل وماسيقال في ملتقى قبائل عبيدة قحطان

ماقـيل في مــــنتدى قــــبائل عـبيدة قحطان